Scho ide erschte Täg heimer bim Zmorge d'Erfahrig gmacht dases sehr richhautig usfaut: Pro Person e Umelette, Chäs, e Früchtetäuer mit Mango, Ananas, Papaya, Guava & Banane, Brot, Anke & Honig u z.T. ono Fleisch. Derzue e Chrueg vou früsche Fruchtsaft & Kafi. Das het auso sattghaute bis am Abe.
Ir zwöite Wuche heimer di grossi Überraschig erläbt was Znacht betrifft...si hei üs ir "Casa" nume gfragt ob mir gärn Fleisch oder Fisch möchte.
Es het de när nid wi erwartet eifach e Täuer mit Fisch, Ris u es paar Gurkeschibli gä wi bishär....nei, es het fougendes gä:
- e Kydneybohnesuppe mit Ris
- es Salattäuer
- es riise Fischfilet mit Härdöpfu ( uf eim Täuer dr Fisch u ufeme angere d'Härdöpfu)
- zum Dessert e Banane & es Stück Turte
Pro Person heimer sagehafti 7 Täuer ufem Tisch gha. Es isch nähmlech nid eis nachem angere cho wi mir das vo Daheime kenne, sondern aus mitenang.
Mir hei nume no gstuunet wo die geng meh uftischet hei & hei gar nid rächt gwüsst wo afa u ob äch das würklech aus für üs dänkt isch oder ob nid doch no angeri derzue stosse. Es isch aus für üs gsi...
Nach däm erschte setige Erläbnis heimer dänkt di Lüt sige itzbeifach bsunders grosszügig gsi & das das nid dr Norm entspricht. Weit gefehlt....es isch i däm Stiu witer gange.
Z'Ässe isch geng extrem fein gsi & di Lüt hei sich geng mega Müei gä, aber mir si üs vorcho wi Gäns wo gstopft wärde. Wemer nid usgässe hei, hei di Señioras geng gmeint mir heiges nid fein gfunge. Si hei nid chönne verstah dasmer nid aus i üs chöi inestopfe.
Sogar wemer gseit hei mir möchte nume e Houptgang u kes Desserrt hets e riise Sach gä. Anstatt es Stück Turte heisi de eifach e Täuer vou Frücht bracht pro Person - das isch ja schliesslech kes Dessert ;-)
Schön von Euch zu lesen! Wir haben schon befürchtet, dass Ihr in der kubanischen Pampa verloren gegangen seid! Wir freuen uns auf weitere Berichte und Fotos. Geniesst es!
AntwortenLöschenLiebe Grüsse von Staubs