Dienstag, 26. Januar 2010

"Red Bull verleiht Fluegel" oder ueses letschte Suedostasieschnaeppli

Agfange hets harmlos...mir hei ues zwoei Travellers gsuecht wo sech z'Taxi a bangkoker Flughafe mit ues teile. Wueu mir aui gnue Zyt hei gha, hei mir am Taxifahrer verbote uebere Expressway z'fahre (das choschtet Aextragebuehre). Trotz sire Wahrnig vor starchem Verkehr ir Stadt hei mir ues fuer dae Waeg entschlosse. Nach ere Stung Fahrt duere (wuerklech starche) Verkehr het uese Fahrer bire Tanksteu ghaute u isch schnaeu oepis z'trinke ga choufe (das isch in Europa o unvorsteubar *smile*). Nachdaem mir si witergfahre het sech dr Verkehr immer meh ufgloest u mir si schneuer u schneuer u no mau schneuer gfahre. Ueses Taxi het sech bi Tempo ueber 120 km/h duere Verkehr gschlaenglet (maengisch nume cm-wis naeb de angere Outos verbi). Dir ahnets scho - uese Fahrer het es Red Bull trunke u vo denn a si mir am Flughafe richtiggehend entgaegegfloge u nach ca. 75 Minute Fahrt schliesslech mit flauem Gfueu im Mage aber i eim Stueck acho. Zaut hei mir nume grad zwoei Franke pro Person - es Schnaeppli *smile* fuer so e laengi Fahrt.
Eingestellt von um

5 Kommentare:

  1. AnonymJanuar 26, 2010

    Hey dir zwöi
    Schön vo öich ds läse!!!
    Mir fröie üs uf Las Vegas! No 14 Wuche....

    Liebi Grüesslis Stefan & Nadja

    AntwortenLöschen
  2. AnonymJanuar 31, 2010

    Liebe Regula und Daniel

    Mir hei grad gspannt und interessiert di viele bricht gläse...Mir freue üs für euch gfallts euch guet.

    Bi üs louft o guet. Ig ha mi sehr guet igläbt in cham und dr job gfallt mir o. dr michu isch mit sire bude züglet und was natürlich mega isch- mir hei schnee u das bis ins Mittelland. Nächst Jahr um di zyt schaffes mir vilich mal uf Ski zäme.

    Gnisses u bis gli
    Michael und Barbara

    AntwortenLöschen
  3. AnonymFebruar 03, 2010

    Hallo dir zwöi Liebe!
    mmhhhhhh, es isch so schön vo öich ds läse und hurti für paar Minute i öii Wält abztouche! DANKE DANKE DANKE viu viu mau!!!!
    aber hie isch es doch o schön, vor auem, we me bir Nadja und Schüberli es feins Latte vor nöie Kaffimaschine git:-) so si mir jetz ou parat für d'Fasnacht und mache doch hie ou ds beschte drus:-) wünsche öich witerhin viu schöni Erläbnis und wunderschöni Reisewäge! liebschti Müntschis, Megeli

    AntwortenLöschen
  4. AnonymFebruar 07, 2010

    Sälü zäme,
    I freue mi gäng vo euch ds läse. Dir erläbet ja mega vil wo mir alli wo daheim blibe höchstens vom Fernseh kenne. Bi gäng froh wes euch guet geit u gfallt. Ganz liebi Grüess us Hindelbank
    Ursi u Ruedi

    AntwortenLöschen
  5. AnonymFebruar 15, 2010

    Hey,

    also im Stuttgarter Stadtverkehr isch des normal... ;)

    Liebe Gruess
    Roland

    AntwortenLöschen

Abonnieren Kommentare zum Post (Atom)