Perth het ues am 1.Maerz mit 36-38Grad empfange. Sit denn heimer nume wenigi chuelerti Taeg gha. Z'Perth heimer schwitzerischi Gastfruendschaft doerfe gniesse :-). Mir heis gnosse u es het gfaegt Luet ztraeffe womer kenne u chli zlafere. Wo am Morge DRS3 ueber z'Internetradio isch cho isches fasch chli gsi wi Daheime. Mit uesem riise Moebu vo Outo simer e Tour duere Suedweste vo Oustralie ga mache. Wunderschoeni Straend, Kaenguruh, e huufe Voegu u Haie, Surfer, noeii Bekanntschafte, Chlaettere, Glace schlaecke, Bade u d'Sunne gniesse. Es isch super gsi.
Zrugg in Perth hei mir de d'Mino-Family troffe zume BBQ.Naer simer los richtig Norde. 1.Stop "Pinnacles" (Feusnadle wo us dr Wuesti userage). Bevor mr die si ga aluege bim Sunneungergang hani am Strand no e Surfer "doerfe" verarzte :-) wosech e zimlech wueschti Verletzig ghout het.
In Geraldton simer amne Pferderenne gsi. Das het hennae gfaegt! Es isch ues vorcho wi im Fernseh: Schiggi Froue mit de grosse Huet u d'Manne ide Hemli wo ihri Wette goe ga abgae. Mir hei richtigs Afangerglueck gha... :-) 
Via Kalbarri Nationalpark simer uf Monkey Mia und Shark Bay.Derzwuesche heimer ufere Raststaette pfuuser. Es isch aus tip top gsi abgseh bis uf di abartige *#x?!@y Floeige wo eim wuerklech ueberau haere fluege. Das het oepe schoen ganervt. Zum Glueck hets de in Shark Bay nume no einzelni Floeige gha. Diraekt am Meer heimer uese Camper haeregsteut, d'Sunnedach ufgspannt, z'Tischli u d'Stueu fueregno u hei dr Nami u Abe eifach gnosse bis d'Sunne unger isch. Wi im Prospaekt isches gsi... :-) In Monkey Mia heimer diraekt am Strand Delphine gseh vo ganz nach, 11 Stueck in ganze. Zum teu heisi riise Sprueng duer d'Luft gmacht - isch hennae kuhl gsi!
Natuerlech heimer o Coral Bay nid usgla. O da heimer wider e wunderschoene wisse Sandstrand u troumhafts Meer atroffe u si ga Bade u Schnorchle.
Itz heimer immer no viu vor ues hie in Oustralie u si gspannt was ues no aus erwartet u wasmer no aus choei entdecke hie am angere Aendi vor Waeut.
Hey dir zwöi.
AntwortenLöschenGäu Coral Bay isch ä Troum? Ömu ds Reef!!
Gniessests witerhin i vouä züg.
Grüessli Yvonne
O dir zwöi
AntwortenLöschenschön, dass dir öich nid verändert heit, zäme
schlemmere fägt eifach, oder nid?
Grüessli u Küssli Mam/Ursula
Juhu dir zwöi Härzige
AntwortenLöschenVermisse öich uuuuuu fescht. Häbet Sorg u gniessets!
Merci fuer au die Kommentaer. Mi froeie ues immer oepis vo oeich zghoere *smile*.
AntwortenLöschenPs fuerd Ursula: Schlemme isch eifach geniau
Regula u Daniel
immer am ässä. tüppisch. dr dänu söu ds'rasierä nid ganz vergässä. villech geit är ja ou no zrügg uf bank??? ig wünschä öich witerhin gueti reis, gnuss u spass.
AntwortenLöschenliebi grüess
andre und isabel
no öppis:
AntwortenLöschenregä, d'fotonä si dr hammer. mi beamer chöit dir de bruche für
veröffentlichungä. ä sau hät ig de ou scho.....
gruess
andre
Ciao zäme
AntwortenLöschenE liebe Gruess us Münsige. Mir wünsche Öich witerhi vieu vergnüege! Häbets guet!
Jürg Rita Lea Tim
Hoi zäme
AntwortenLöschenmit viu Interesse lieseni immer wieder öii Reisebrichte. Aes fägt öich so uf der ganze Wäut chönne nachezreise:). Danke viumau!
Im Momänt weiss i dass dir z'Amerika sit u gad Bsuech heit us der Schwiz. U teilwiis äuä o überrascht sit gsi, wär da aus isch cho!?
Bis üs isch aus im grüene Beriich. Ueses grosse Burehuus fat sech afa lääre. Richard isch im Februar uszoge, uf Reutige. U d'Cornelia isch itz gad züglet uf Oberhofe.
Vo Härze wünscheni öich witerhin no ä schöni u gueti Reis. Ohni Zwüschefäll u Komplikationen!
Liebe Gruess Süsette Graf
us em Goldiwil